Euskara
modu berezituagoan eskatuko da administrazioan, Araba, Bizkai eta Gipuzkoan
«Eskakizun
asimetrikoak» izango dira, Jaurlaritza prestatzen ari den dekretuaren arabera.
Euskara eskakizun izango ez duten lanpostuen proportzioa orain arteko bera
izango da
Honela
dio hizkuntza eskakizunen ataleko 27. artikuluko bigarren puntuak:
«Lanpostuetako hizkuntza eskakizunak esleitzeko, lanpostu horien funtzioak aztertzeaz
gain, kontuan hartuko dira herritarrekin, erakundearen barruan eta beste
erakunde batzuekin dauzkaten ahozko eta idatzizko harreman komunikatiboak;
horretarako, behar den komunikazio-azterketa egingo du erakunde bakoitzak».
Lanpostu
bakoitzaren ezaugarrietan adierazi beharko da lan hori egingo dutenek
herritarrekiko harremanik izango duten, eta harreman hori nolakoa izango den:
ahozkoa, idatzizkoa edo mota bietakoa. Ahozkoa ohikoa den lanpostuetarako,
eskatuko den gutxienekoa mintzameneko B2 maila izango da. Zenbait
kasutan, ahozkoan eta idatzizkoan gaitasun desberdina izan ahalko dute
hautagaiek.
Lege
dekretuak aurreikusten ditu zenbait egoera, zeinetan derrigortasun data
geroratuko litzatekeen. Esaterako, hala gertatuko da lanpostu bati derrigortasun
data ezarri eta bertan jarduten duen langileak lanpostu horri dagokion
hizkuntza eskakizuna egiaztatua ez badu. Kasu horretan, tarte bat emango zaio
langileari, postu horri dagokion euskara maila eskuratzeko.
Horrez
gain, bada beste aukera bat zeinean posible den derrigortasun data duen
lanpostu batean hizkuntza eskakizuna egiaztatu gabe duen langileren bat egotea.
Lanpostuari dagokion eskakizuna egiaztatu duen hautagairik ez dagoenean
gertatuko da, salbuespen gisa.
Artikulua
osorik irakurri nahi baduzu, jo hona.
