Administrazio hizkera lantzeko blog berria IVAPen

Administrazio-hizkera argiaren bloga

Blog honekin IVAPek sare sozialetan duen presentzia areagotzeaz gain, bere zerbitzu-izaera eta berrikuntzarekiko konpromisoa berretsi nahi ditu. Helburu nagusia administrazioko komunikazioaren esparruan hizkuntza argia bultzatzea da, euskaraz zein gaztelaniaz.

http://www.ivap.euskadi.eus/administrazio-hizkera-argia/

2016ko urriaren 14ko saioa

Gaurko saioan 2016-2017rako EraMiaren helburuak komentatu ditugu. Banako helburuak datorren astean adostuko ditugu (trebatzailearekin batera).

Horrez gain, blogaren erabileraz hitz egin dugu. Gai honek hausnarketa sakonagoa behar du.
Hona hemen adostu ditugunak:

• Aurrerantzean euskaraz edo elebitan idatzitakoak trebatzaileari bidaltzea.
• Trebatzailea asteazkenetako bileretan izatea eta bertan egokitu edo zuzendu beharrekoak jasotzea.
• Ostiraletan saioa izatea. Saioetan idatzizko testuetan eta bileretan agertutakoak aztertuko ditugu.

Euskaltzaindiaren hiztegia

Gaurtik Euskaltzaindiaren web orrian kontsultatu daiteke 'Euskaltzaindiaren Hiztegia'. Bigarren argitaraldia aurkeztu du akademiak gaur goizean.
Duela lau urte sortutako hiztegia zabaldu eta sarera igo du Euskaltzaindiak. 37.884 sarrera, 6.944 azpisarrera ditu. Helburu nagusiak dira hitzak txukun erabiltzen laguntzea eta zer esan nahi duten azaltzea.
Sareak berrikuntza nabarmenak eskainiko ditu. Izan ere, ohiko kontsulta egiteaz gain, bilaketa aurreratua ere egin daiteke. Kasurako, hiztegian dauden aditz guztiak zein diren edo bizkaierazko zein hitz jaso diren ikus daiteke bilaketa bakarrean.

Esteka:
http://www.euskaltzaindia.eus/index.php?option=com_hiztegianbilatu&view=frontpage&Itemid=410&lang=eu

Abian gara berriro ere!

Udako atsedenaldiaren ondoren lanean dihardugu.

Hurrengo euskara saioa urriaren 14an izango dugu, goizeko 8etan.

Bertan aurtengo ikasturterako helburuak eta egitekoak zehaztuko ditugu.

Oharra: ez ahaztu idatziz egindako mezuak eta abarrekoak jaso eta trebatzaileari bidaltzea.