Hasi da Egunean Behin jokoaren
hirugarren denboraldia
Jokoa funtsean ez da aldatu, baina aldaketak izan ditu. Hau
da, oinarri bera du orain ere: egunean hamar galderari erantzun beharko zaie
ahalik eta denbora tarte txikienean —minutu bat inguru—. Puntuazioak batzean
hasiko da lehia sailkapen orokorrean, eta lagunen arteko taldeetan, eta aste
amaieran ikusiko da nor moldatu den hobekien. Horraino orain arteko moldean
egingo da Egunean Behin. Baina horrez gain, denboraldi osoko sailkapen bat ere
egingo dute: zortzi asteko denboraldia izango da, eta horietatik erabiltzaile
bakoitzak jokatu dituen lau aste onenak hartuko dira kontuan. Hau da, sailkapen
orokorrean egoteko ez dira zertan zortzi asteetako partida denak jokatu.
Orain arte bezala, astez asteko saria izango da: bat
irabazlearentzat eta beste bat zozketa bidez erabakiko dena.
iruzkinik ez:
Argitaratu iruzkina