Egoitza elektronikoa abian da; ezagutu www.ebizkaia.eus helbidean

BFAren egoitza elektronikoa dagoeneko dago erabilgarri, https://www.ebizkaia.eus helbide elektronikoan. Gaur, 2012. urtean hasitako lana ikus dezakete herritarrek: dagoeneko aukera dago BFAra elektronikoki sartzeko, egoitzak ematen dituen berme guztiekin. Egoitzaren bidez, gaur egungo bulego birtualetara sar gaitezke: Ogasuneko, Ekonomia Sustatzeko eta Katastroko bulegoetara. Izapideen bilatzaile bat dago egoitzan, aukera ematen duena prozedura, izapide eta zerbitzuen katalogora sartzeko eta handik izapideak zuzenean egiten hasteko. Horrez gainera, interesdunek espedienteen izapideen egoeraren berri izan dezakete, eta jakinarazpen edo komunikazio elektronikoak jaso ditzakete. Atal batzuetara libre da sarbidea; beste batzuetan, berriz, aurretik identifikatu eta sinatu beharra ere badago, jardueraren arabera. Dokumentuak lokalizatzailearen bidez egiaztatzeko zerbitzuak daude, eta sarbidea hainbat lekutara: ordainketa-pasabidera, faktura elektronikora, BAOra, kontratugilearen profilera...

Hasieran, prozedura gutxi izapidetu ahal izango dira egoitzan; Kultura Sailak apustua egin du egoitzaren alde eta lehena izango da egoitza erabiltzen, pixkanaka-pixkanaka. Jakin behar dugu sail guztiek dutela zerbitzu hau emateko aukera. Beraz, egoitza zabaltzen joango da beste eduki eta funtzionaltasun batzuetara, kalitateko zerbitzu bat emateko. Sail bakoitzean prozeduren ardura dutenek egoitzan presente egoteko duten inplikazioak eta interesak errealitate bihurtuko dute helburu hori.
...

Esteka interesgarriak

Egoitza elektronikoa

Martxoaren 26ko saioa eta terminoak

Atzo eguerdiko saioan, asteleheneko bileran aipatutako terminoak euskaratu eta esandako egitura batzuk egokitu edo zuzendu genituen. Ondoren, datorren ikasturteko helburuak zehaztu genituen.

Hona hemen blogeko hiztegian erantsitako terminoak:

Apartamento tutelado= babespeko partamentu/ tutoretzapeko apartamentu

Documento acreditativo= egiaztagiri/ egiaztatzeko agiri

Incoar expediente= espedientea hasi

Proyecto técnico de ejecución = egikaritze-proiektu tekniko

ANIMATU ETA IRAKURRI EUSKARAZ!!!!!

Jende desegokia

Bilbon dago kokatua Gaizka Zabarteren bigarren nobela. Desegokituen Elkartea izeneko erakunde batek Peter Zuazo protagonista gonbidatuko du, Bilbon egingo diren jardunaldi batzuetan hitzaldi bat eman dezan.

Halako izen berezia duen elkarteak jakin-mina sortuko dio, nola ez, Peter Zuazori eta honek bere buruari galdetuko dio gonbitari baiezkoa ala ezekoa eman behar ote dion.
Gai guztien artean, batez ere, mendekua, amodioa eta desamodioa aurkituko ditugu lan honetan.

Egilea: Gaizka Zabarte
Argitaletxea: Susa
Argitalpen-urtea: 2015

Euskadi Irratian Gaizka Zabarteri egindako elkarrizketa, hemen duzu entzungai.

__________________________________________________________________________

Gizon gogorraren sekretua

Erre izeneko gizon baten suspenseko istorioa da hau. Inauteriak hastearekin batera, bizi den biltegiaren ondoko lantegian hilotz bat aurkitu dute, urkatuta, kolpatuta eta zaurituta, biluzik eta belarria eta zakila moztuta. Patuak nahi izan du belarria Erre-ren eskuetara iristea.

Bezperako mozkorraldiaren ondorengo ajeak arrazoia lainotu diote Erreri eta hilketarekin zerikusirik izan dezakeela bururatu zaionetik, ez du bakerik. Horregatik, bezperako ibilerak argitu nahian, bart etxeratu bitarteko azkeneko orduak eman zituen putetxera itzultzea erabakiko du. 
Horrenbestez, susmatu ere egin gabe, heriotzaren errudunen peskizan nahastuko da hondo-hondoraino. 
Thriller-aren estiloari jarraituz, emozioa piztea, tentsioa mantentzea eta suspenseari eustea lortzen duen inauteri- giroko eleberri ganberroa idatzi dute Etxeberria anaiek. Donostia inguruko industrialde batean dago kokatuta istorioa, krisiaren ondorio beltzez zipriztindutako agertokietan: taberna ilun bat, putetxe bat, hondoak jotako enpresa bat, biltegi zahar bat…

Egileak: Xabier eta Martin Etxeberria
Argitaletxea: Elkar
Argitalpen-urtea: 2015

Euskadi Irratiko Arratsean saioan egindako elkarrizketa, berriz, hemen duzu entzungai.

 _____________________________________________________________________________

Inspektore bat ate joka

Polizia-inspektore bat Birlingtarren familiaren etxean ustekabean agertu eta Sheilaren ezkontza-konpromisoa ospatzeko egiten ari diren afaria etengo du.

Mahaikideek neskatxa baten suizidioan izan dezaketen inplikazioa ikertzen ari da inspektorea.
Une horretatik aurrera, suspensez betetako istorio bat garatuko da, esanahi moral handiko gai bat plazaratzen duena: denok gara gizadiaren kide, eta, hortaz, denok gara gainerakoen patuaren erantzule.

Egilea. J.B. Priestley
Itzultzailea: Manu López Gaseni
Argitaletxea: Vicens Vives
Argitalpen-urtea: 2014

Liburuak hitzaurre luzea du, egilearen biografia eta garaiko datuak eskaintzen dituena, azalpen-oharrak ere badaude eta bukaeran, jarduerak proposatzen ditu, lan hau ikuspegi literario nahiz etikotik ulertzen laguntzeko.

Esteka: HABE Liburutegiaren fitxa

Orrialdeak: 96

_________________________________________________________

Urrezko kakalardoa ; Morgue kaleko hilketak

Euskarazko ariketak osagarri dituen misteriozko bi ipuin eder.

Aurrenekoan, aberats izandako gizon behartsu bat, Legrand, altxor baten bila joango da mendira. Bidaide izango ditu Jupiter bere morroia, txakur bat eta ipuin honetako narratzailea. Narratzaileak kontatzen du nola ezagutu zuen Legrand, eta honek nola lortu zituen pergamino bat eta urrezko kakalardo bat, eta nola lortu zuen pergaminoaren eta kakalardoaren arteko erlazioa aurkitzea eta pergaminoko kriptograma deszifratzea. Legrandekin batera deszifratuko dute kriptograma irakurleek.
Bigarren ipuinean, ama-alabak hilko ditu norbaitek Parisko etxe batean, eta polizia ia ezer argitzeko ezgauza izango denez, detektibe pribatu baten esku geratuko da hilketak argitzea. Hiltzaileen zentzugabekeria eta detektibearen analisirako joera kontrajartzen dira ipuinean.

Egilea: Edgar Allan Poe
Itzultzailea: Koro Navarro
Argitaletxea: Vicens Vives
Argitalpen-urtea: 2014

Euskarazko ariketak osagarri dituen misteriozko bi ipuin eder. Aurrenekoan, aberats izandako gizon behartsu bat, Legrand, altxor baten bila joango da mendira. Bidaide izango ditu Jupiter bere morroia, txakur bat eta ipuin honetako narratzailea. Narratzaileak kontatzen du nola ezagutu zuen Legrand, eta honek nola lortu zituen pergamino bat eta urrezko kakalardo bat, eta nola lortu zuen pergaminoaren eta kakalardoaren arteko erlazioa aurkitzea eta pergaminoko kriptograma deszifratzea. Legrandekin batera deszifratuko dute kriptograma irakurleek.
Bigarren ipuinean, ama-alabak hilko ditu norbaitek Parisko etxe batean, eta polizia ia ezer argitzeko ezgauza izango denez, detektibe pribatu baten esku geratuko da hilketak argitzea. Hiltzaileen zentzugabekeria eta detektibearen analisirako joera kontrajartzen dira ipuinean.
Ipuinak bezain interesgarri, Poeren biografia duela liburu honek. Eta bere obra ere aztertzen da hitzaurrean, bi ipuinak barne. Adibidez, kontakizun batek ze ezaugarri izan behar dituen azaltzen da “Ipuinak eta ipuinaren arauak” izeneko atalean.

Hona pasarte bat:
Lekuko honek bere borondatez egin zuen adierazpena. Frantsesez egiten ez duelarik, interprete baten bidez egin zitzaizkion galderak. Amsterdamen jaioa da. Garrasiak aditzen ziren unean igaro zen etxearen aurretik. Zenbait minutuz luzatu omen ziren, hamar minutuz edo. Oihu luzeak eta ozenak omen ziren, beldurgarriak eta oso kezkagarriak.

(74. or)

•    Inoiz izan zara gertaera bitxiren baten lekuko? Zer gertatu zen? Non? Noiz? Zuk zer egin zenuen? Sei bat lerroko paragrafo batean laburtuko duzu gertatutakoa?
 

Esteka: HABE Liburutegiaren fitxa

Orrialdeak: 134

Zaindari ikusezina

Amaia Salazar inspektoreak bi eginkizun ditu eleberrian: Lehena, Baztan inguruan, eta batik bat, Elizondo inguruan gertatzen ari diren neska nerabeen hilketak argitzea. Bigarrena, berriz, bere amarekin, izan (eta dituen) arazo larriak konpontzea.

Amaia Salazarren amak fijazio gaiztoa du alabarekin. Eleberriak aurrera egin ahala haurtzaroko oroitzapenen bidez berreskuratuko da harreman gaizto horien nondik norakoak. Jakina, familia bera da lehen kaltetua. Honetaz ere luze jardungo du nobelak.
Baina hari eta gertaera nagusiak: Zergatik neskak, eta beti ere nerabeak? Galdera horien erantzuna ikerketak eta hiltzaileak berak emango du. Hiltzailearen koadro psikologikoak emango du izaera maniakoaren berri.

Eleberriaren hirugarren baliabide nagusia mitologia da. Basajaunak bizirik omen daude inguruko bizilagunen imajinarioan.

Egilea: Dolores Redondo
Itzultzailea: Josu Zabaleta

Argitaletxea: Erein
Argitalpen-urtea: 2013

Liburuaren lehen atala irakurtzeko, egin klik hemen.

Esteka: HABE Liburutegiko fitxa

_____________________________________________________

Eskaintza ekaitzari

Eskaintza ekaitzari Baztango trilogiaren hirugarren liburua da, eta aurreko bietan bezala, maisuki azalduak ageri dira trama nagusian familia harremanak, bikote harremanak, gurasotasuna… eta horrek guztiak kontakizuna are interesgarriago bihurtzen du. Erritmo bizkor eta ezin utzizkoan irakurtzeko moduko eleberria da.

Hilabete joan da Foruzaingoko Amaia Salazar inspektoreak bere semea heriotzatik salbatu eta Berasategi doktorea atxilotu zuenetik. Amaiak oraindik arriskuan ikusten du bere burua, ordea.
Elizondoko neskatila baten bat-bateko heriotzak susmoak piztuko ditu: haurrak gorriune bat du aurpegian, eta aita haurraren gorpua eramaten saiatu da. Neskatilaren birramonak uste du heriotzaren erantzulea Inguma dela, hots, lo dauden pertsonak geldiarazi ondoren haien hatsa edan eta bizia kentzen dien demonioa. Auzitegiko medikuaren txostenetatik abiatuta, beste haur txiki batzuen heriotzak ikertzen hasiko da Amaia Salazar, eta, horrela, aztarna harrigarriak aurkituko ditu Baztan osoan barna.
Eta, bitartean, oihanetik, sekulako ekaitza heldu da egiarik latzena lurperatzeko.

Egilea: Dolores Redondo
Itzultzaileak: Rey Escalera, Fernando; Vilches Plaza, Mikel
Argitaletxea: Erein
Argitalpen-urtea: 2014

Esteka: HABE Liburutegiaren fitxa

Orrialdeak: 616

_____________________________________________________________________________

Hezurren ondarea

Baztango trilogia izenaz ezagutzen diren hiru liburuetatik bigarrena dugu hau. Hemen ere Amaia Salazar inspektorea da protagonista nagusia, Foruzaingoaren erailketen arloko burua.

Lehenengo liburuan (Zaindari ikusezina) ikusi genuen bezala, Baztan ibar osoa izuz eta kezkaz bete zituzten Basajaunen hilketak argitu zituen Amaiak. Basajaunen modus operandia imitatuz, Jason Medinak bere andrearen alaba nerabea, Johana, hil, bortxatu eta mutilatu egin zuen. Amaiak bere egitekoa bete zuen hiltzaile bihozgabe hura akusatzen zuten frogak biltzen, eta prest dago epaiketan erakusteko.
Bigarren liburu honetan, Johana Marquezen aitaordearen kontrako epaiketa hastear dago. Salan zain dauden pertsonen artean dago, haurdun, Amaia Salazar inspektorea.
Halako batean, ordea, epaileak adierazi du epaiketa bertan behera gelditzen dela: akusatuak bere buruaz beste egin du epaitegietako komunetan.

Egilea: Dolores Redondo
Argitaletxea: Erein
Itzultzaileak: Rey Escalera, Fernando; Vilches Plaza, Mikel
Argitaletxea: Erein
Argitalpen-urtea: 2013

Lehen atala irakurgai helbide honetan.

Esteka: HABE Liburutegiaren fitxa

Orrialdeak: 624

MAIATZAREN 19KO SAIOA

• Etxe, plaza, baserri, erakunde, instituzio, enpresa eta orotariko taldeen izenen idazkera landu dugu. 
• Laneko idazki eta mezuetan idatzitako esaldiak zuzendu eta egokitu ditugu.
• Euskaltzaidiaren 109. araua, hau da, komunztadura aposizioetan, landu dugu. 
• Hiztegian "comunidad de propietarios= jabeen erkidego, jabekideen erkidego" sartu dut.

Emakumeen Osasunaren aldeko Nazioarteko Ekintza Eguna

Egun horren jatorria Emakumearen eta Osasunaren Nazioarteko V. Topaketa da, 1987ko maiatzean Costa Ricako San Josén egina. Topaketa horren ondoren, Sexu eta Ugalketa Eskubideen aldeko Emakumeen Munduko Sareak eginiko bileran, erabaki zen maiatzaren 28a izango zela Emakumeen Osasunaren aldeko Nazioarteko Ekintza Eguna.

Ordutik hona ospatzen da eguna, osasunerako eskubidea aldarrikatzeko emakumeen giza eskubide gisa. Izan ere, emakumeek, beren bizitzako ziklo guztian izan behar duten eskubidea da, murrizpenik eta bazterkeriarik gabe.

Beraz, egun hori hirugarren urtez ospatzeko, Kirolen eta Gazteriaren Zuzendaritza Nagusiak jardunaldi bat antolatu du «Kirola osasunaren bidea» proiektuaren barruan; proiektu horren bidez, Foru Aldundiko Kultura Sailak sedentarismoa desagerrarazteko eta jarduera fisikoak zein era askotako elikagaiak eta elikadura orekatua sustatzeko bultzatzen dituen ekimen guztiak biltzen dira.

Iaz piztutako interesa kontuan hartuta, aurten ere «Emakumea eta Nutrizioa» izango da gaia. Hori horrela, maiatzaren 27an, Ibaigane Jauregiko prentsa-aretoan, jardunaldi bat egingo da 10:00etatik 13:00etara, Bizkaia Bizkaialde Fundazioarekin eta Athletic Clubarekin batera; helburua da ezagutaraztea zer garrantzitsua den elikadura egoki baten bidez bizimodu osasungarria egitea, funtsezkoa baita osasuna mantendu eta hobetzeko eta gaixotasunak prebenitzeko.

Erantsitako fitxategiak:

Emakumea eta nutrizioa ( 78 Kb.)

Euskaldunok zergatik ez dugu beste euskaldunekin euskaraz egiten?

Motibazioek helburu jakin bat lortzeko bidean jartzen gaituzte. Helburu jakin hori euskara egitea denean zer gertatzen den aztertu du, aste honetan, ‘Tribuaren Berbak’ saioak.
Lehenik, eta behin euskara egin ahal izateko baldintza batzuk bete behar dira: norberak euskaraz jakitea, mintzakideak euskaraz badakiela jakitea, eta garrantzitsuena, euskaraz egin nahi izatea. Ordea, asko gara euskaraz hitz egiten dakigunak, baina dakigun guztiok ez dugu beti eta dakiten guztiekin erabiltzen. Zergatik kostatzen zaigu hainbeste nahi izatetik hitz egitera jauzi egitea? Zergatik egiten dugu erdaraz euskaraz egin dezakegunean? 

Juanjo Allur, Siadeco taldeko ikertzailea

Juanjo Allur, Siadeco taldeko ikertzaileak, jendeak kalean euskaraz ez egiteko arrazoiak sailkatzen lagunduko dio Kike Amonarrizi. Bi  multzo nagusi bereizi ditu: Alde batetik, norberarekin lotutako arrazoiak egongo lirateke ( euskaraz ideiak adierazteko zailtasuna, gaztelaniaz aritzeko erosotasuna, gai batzuetaz hitz egiteko euskarak suposatzen duen esfortzua, borondate falta, euskara ama hizkuntza ez izatea, pertsona jakin batzuekin hizkuntza jakin bat erabiltzeko ohitura…) ; eta bestetik, arrazoi sozialak, hau da, inguruarekin edo gizartearekin lotutakoak.  Sailkapen honen arabera, euskara ez erabiltzeko ematen diren arrazoi gehienak lehen multzoan egongo lirateke, eta beraz, euskara erabiltzea norberaren esku asko dagoela esan du Juango Allurrek.

Fermin Etxegoien kazetaria

Hau dela eta, arrazoi guzti hauei konponbideak bilatzea izango litzateke erronka nagusiena. Eta horretarako, euskara hiztunen artean erakargarri egiteko metodoak bultzatu behar dira. Ilusioa ezinbesteko elementua da, Fermin Etxegoien kazetariaren arabera. Baina, batez ere, euskara erakargarria izateko estetikoki funtzionala izan behar duela uste du. Euskara erraztea eta sinplifikatzea proposatzen du, jendeak euskara ondo barneratu eta erabili dezan.

Estitxu Garai komunikazio eta marketing aditua

Bestalde, euskara bultzatzeko hainbat kanpaina egin dira. Estitxu Garai, komunikazio eta marketing adituaren arabera, euskara sustatzeko kanpaina hauek beharrezkoak dira baina eraginkorrak  izateko, lehenik eta behin, jendeak euskaraz hitz egiteko motibazioak zeintzuk diren ikertu behar dira. Behin motibazioak identifikatuta, euskara sustatzeko kanpainak diseinatu behar dira.

Aurkene Redondo, coach-a

Aurrekoari lotuta, jendeak euskaraz hitz egiteko motibazio metodoak ere oso garrantzitsuak dira. Aurkene Redondo coachak jendea nola motibatu azaldu digu. Horretarako, ‘galdera boteretsuen metodologia’ erabiltzen du: Nahi duguna ondo definitzea eta identifikatzea, nahi dugun hori gure esku dagoen edo ez definitzea, helburua lortzeko pausuak zehaztea, baliabideak bilatzea, epe bat finkatzea, zer edo zer alboratu behar dugun jakitea eta, azkenik, nahi dugun helburua gure buruan irudikatzea energia horretan jartzeko.

Yuli Vargas kubatarra eta euskaldunberria

Azkenik, orain arte ikusi ditugun ‘Tribuaren Berbak’ saioko atal ezberdinetan beraien burua motibatu eta euskaraz gozatzeko helburua lortu duen euskaldun berri asko ezagutu ditugu.
Beraz, aste honetako saioak erakutsi digu euskaraz egin nahi duenak euskaraz egin dezakeela.

http://www.eitb.eus/eu/telebista/programak/tribuaren-berbak/bideoak/bideoak/osoa/2379496/bideoa-jendeak-kalean-euskaraz-ez-egiteko-arrazoiak-sailkatzen/

HITZALDIA: HEZIKETA, KIROLA ETA BERDINTASUNA

Data: maiatzaren 14an (osteguna)
Ordutegia: 19:00
Tokia: Foru Liburutegia, Hitzaldi Aretoa (5. solairua).
Hizlariak: Leticia Canales, Eneritz Iturriaga eta Koikili Lertxundi.
Hizkuntza: Euskara.
Doako sarrera, edukiera osatu arte (Foru Liburutegian sartzeko NANa, pasaportea edo Liburutegiko txartela aurkeztu behar da sarreran).
 

ALDUNDIAK NAZIOARTEKO PROIEKTURIK ONENERAKO DESIGN FOR ALL 2015 SARIA JASO DU

Bizkaiko ahaldun nagusia gizarte garapenean oinarritutako diseinu unibertsalari buruzko mintegian izan da, desgaitasuna duten pertsonentzako laguntzaren ereduan egin beharreko ahalegin berriez gogoeta egiteko.

Fekoor-ek antolatutako mintegiaren barruan jaso du Jose Luis Bilbao Bizkaiko ahaldun nagusiak Etxegoki-ri eman dioten saria. Nazioarteko proiekturik onenerako Design For All 2015 saria da, eta Fekoor-en eskutik jaso da. Erakunde horrek Etxegoki Foru Apartamentu Laguntzadunak kudeatzen ditu.
Etxegoki proiektua arrakastaren adibide bat da, Bizkaiko Foru Aldundiaren eta Fekoor-en arteko lankidetzaren emaitza. Laguntzarako baliabidea da, etorkizunean egin beharreko bidea erakusten duena, bizi kalitatea hobetzeko eta gizarteratzea, herritarren parte hartzea edo gizarte garapena bezalako balioak sustatzeko.

http://www.bizkaia.eus/home2/bizkaimedia/Contenido_Noticia.asp?TNo_Codigo=0&Not_Codigo=14837&Tem_Codigo=3&idioma=EU&dpto_biz=3&codpath_biz=3

MAIATZAREN 5EKO SAIOA

Aurretiazko baimenaren foru aginduko terminologia eta egitura batzuk landu genituen. Horretarako, foru agindua eman  nien hutsuneak betetzeko.

Bestalde, gaztelaniazko "actuaciones instruidas" eta  "sanción de amonestación" terminoak sartu ditut hiztegian.

HIZTEGIA

Actuaciones instruidas: instruitutako jarduketa
Sanción de amonestación: zentzarazpen-zehapen