TELEAGURRA

Datorren ikasturterako euskararen erabileran parte hartu nahi baduzue, egin eskaera:
http://www.aldundia.bfa/Kultura/NormalizacionLinguistica/eu_index.asp?Dep=0&Idioma=EU

Gogoratu aurten Euskaraldia izango dugula azaroaren 20tik abenduaren 4ra. Ohiko moduan AHOBIZI edo BELARRIPREST rolak izango ditugu, eta edizio honetan ARIGUNEAK (euskaraz hitz egiteko guneak).

 PILULA GUZTIAK IKUSTEKO klikatu hemen

 PILULA GUZTIAK IKUSTEKO klikatu hemen

 

KONFINAMENDUA ARINTZEKO 3 FASEA V

EUSKARAZ EZ DA EGOKIA (XXXIX)

ONDO BEREIZI EZ NAHASTEKO (II)

Aditz batzuen inguruan zalantzak sortzen dira batzuetan. Nahasteak usuago gertatzen diren aditz batzuk aukeratu ditugu, eta erabilera-aukeren berri eman, aditzak alfabetikoki ordenatuz: 

·         Jarraitu, jarraiki. Partizipioa holaxe da, beraz, adjektiboa jarraitua (edo jarraikia) da, ez jarraia*. Segitu sinonimoa da.

·         Kalte egin. Ez erabili kaltetu kalte egin adieran.

·         Kaltetu. Da sailekoa. Zerbaiti edo norbaiti kalteren bat heldu. Autoa kaltetu zitzaigun.

·         Kosta(tu). Partizipioa kosta zein kostatu izan daiteke. Beraz, biak erabili daitezke arazorik gabe: Niri ere kosta zitzaidan sinestea; Nire bizi guztian ez zait gutxiago kostatu goizeko bostetan jaikitzea. Zaio sailekoa da, beraz, zenbat kostatzen du* ez da zuzena.

·         Lehiatu. Da sailekoa da. 40 segalari lehiatu ziren guztira, bero egin arren.

·         Nabari izan, nabaritu. Biek dute esanahi bera, eta ez dago haien artean hobespenik. Beraz, nabari da zein nabaritu da esan eta idatz daiteke.

·         Nahasi eta nahastu. Bien aditz-oina nahas da. Nahasi hobesten da. Nahastekatu (Ipar. eta Naf.) eta nahastatu (Batez ere Bizk.) formak ere agertzen dira Hiztegian.

·         Oldartu. Da sailekoa da. Otsoa bildotsari oldartu zitzaion.

·         Pasatu. Horrelaxe da partizipioa, eta ez pasa, halere Euskaltzaindiak, Hegoaldean eta lagunarte mailan, pasa forma ere onartzen du: albotik pasa da, etab.

·         Saihestu. Aditz-oina saihestu eta saihets izan daitezke, baina ez saihes*.

·         Sinetsi. Horixe da aditza Hiztegian. Sinistu formak bizk. eta gip. markak ditu. Aditz oina sinets da; gipuzkeraz eta bizkaieraz sinis.

·         Topo egin.  Soziatiboarekin (norekin) edo gabe. Du sailekoa da. Ustekabean aurkitu esan nahi du, topatu = aurkitu.

·         Ukitu. Ikutu baztertu du Euskaltzaindiak

·         Zozkatu edo Zotz egin hobeto zozketatu baino.

EUSKARALDIA 

 Aurten Euskaraldia ekimenaren bigarren edizioa izango dugu azaroaren 20tik abenduaren 4ra.

2020ko edizioko berrikuntza ariguneak edo euskaraz hitz egiteko guneak dira.

EUSKARAZ EZ DA EGOKIA 7 (ASTEKO BIRPASA)

      Jokatu nahi baduzu, egin klik hemen.

 PILULA GUZTIAK IKUSTEKO klikatu hemen

KONFINAMENDUA ARINTZEKO 3 FASEA IV

EUSKARAZ EZ DA EGOKIA (XXXVIII)

ONDO BEREIZI EZ NAHASTEKO (I)

Aditz batzuen inguruan zalantzak sortzen dira batzuetan. Nahasteak usuago gertatzen diren aditz batzuk aukeratu ditugu, eta erabilera-aukeren berri eman, aditzak alfabetikoki ordenatuz:

·         Arnasa egin. A itsatsia du. Arnasturen aditz-oina arnas edo arnastu da. Beraz, arnas daiteke edo arnastu daiteke.

·         Atzeman. Harrapatu esan nahi du; antzeman, ordea, nabaritu edo igarri (igerri*). Sinonimoak dira adimenaren bidez sumatu (hauteman) adieran.

·         Bereizi. Horixe da aditza, berezi adjektiboa da. Bestetik, bereiztu* baztertu du Euskaltzaindiak.

·         Bidali. Bidaldu baztertu du Euskaltzaindiak.

·         Borrokatu. Borroka egin adieran da sailekoa da. Atenastarrak eta persiarrak elkarren aurka borrokatu ziren Marathonen.

·         Bultza egin. Ez bultz egin*. Bultzatu eta bulkatu haren sinonimoak dira, bultzada eta bulkada, ordea, bereizten dira.

·         Ekoitzi ekoiztu baino hobeto. Bien aditz-oina ekoitz da (ekoitz dezakete)

·         Eraso. Horixe da aditza. Erasotu* ez da azaltzen Euskaltzaindiaren Hiztegian. Dio moldekoa da.

·         Espezializatu. Espresuki baztertu du Euskaltzaindiak espezialdu. Bide beretik honako hauek dira zuzenak: arrazionalizatu, digitalizatu, erradikalizatu, formalizatu (formaldu=zintzo bihurtu), globalizatu, kristaldu (kristalizatu baino hobeto), nazionalizatu, pertsonalizatu, profesionalizatu, sakralizatu, sozializatu.

·         Hustu. Aditz-oina hustu zein huts izan daiteke. Aditz-izena hustea da, ez hustutzea*. Hutsitu bizkaierazko forma jasoa ez dago Euskaltzaindiaren Hiztegian.

·         Irten. Aditz-izena irtetea da, ez irtetzea*. Da sailekoa da: irten da. Bizkaierazko urten, aldiz, du sailekoa da: urten dau. Haien sinonimoak jalgi eta atera.

·         Iraun. Komunztadura singularrean egiten du: bi ordu iraun ditu* gaizki dago.

·         Itxaron Itxoin baino hobeto Batuan.

·         Finkatu. Ez da erabili behar kokaturen sinonimo gisa.

EUSKARALDIA 

Aurten Euskaraldia ekimenaren bigarren edizioa izango dugu 

azaroaren 20tik abenduaren 4ra.

2020ko edizioko berrikuntza ariguneak edo euskaraz hitz egiteko guneak dira.

PILULA GUZTIAK IKUSTEKO klikatu hemen