KONFINAMENDUA ARINTZEKO 0,5 FASEA II

KALEAN IBILTZEKO NEURRIAK

EUSKARAZ EZ DA EGOKIA (XVI)

BEZALA, BEZALAKOA

Gaztelaniaren eraginez, sarritan txarto erabiltzen ditugu “bezala” eta “bezalako” hitzak.

Hona hemen behin baino gehiagotan ikusi izan ditugun akatsak.

OHIKO AKATSAK

1.      *Bost urtez ibili zen Bilbon irakasle bezala.

2.      *Zuzendari bezala, ez dut zertan fitxatu.

3.      *Antolatzaile bezala ona da.

4.      *Liburua idaztea bidaia bat egitea bezalakoa izan da.

5.      *Deialdiak eta aktak bezalako agiriak euskaraz bidaltzen ditu.

ZUZENKETAK ETA AZALPENA

1.  Ad. Ezin dira gaztelaniazko como guztiak bezala-rekin ordezkatu. Batzuetan, ez da ezer jarri behar:

Bost urtez ibili zen Bilbon irakasle.

2.  Ad. Halaber, ez dira gauza bera (-n) bezala eta -(e)nez.

Zuzendari naizenez, ez dut zertan fitxatu.

3. Antolatzaile gisa(ra)/ moduan(ra) ona da.

4. Ad. Ez nahastu bezala eta bezalako hitzak.

Bezalako hitzak NOLAKOA galderari erantzuten dio, eta bezala hitzak, ordea, NOLA galderari.

Kontuz ibili –tzea bukaera duen sintagma bat badugu. Euskaltzaindiaren iritziz, badirudi nominalizazioak ezin duela bezalakoa hartu, bezala baizik:

Liburua idaztea bidaia bat egitea bezala izan da.

5. Ad. Gero eta sarriago entzuten dira honelako esaldiak:

*Deialdiak eta aktak bezalako agiriak euskaraz bidaltzen ditu.

Hobe hala nola, besteak beste edo esaterako esapideak erabiltzea.

Zenbait agiri euskaraz bidaltzen ditu, hala nola, deialdiak eta aktak.

Zenbait agiri euskaraz bidaltzen ditu, esaterako/besteak beste, deialdiak eta aktak.

EHULKU BEZALA

TXINA ZAHARREKO IPUINA

Susmoa

Gizon batek bere aizkora galdu zuen. Sinetsita zegoen, lapurtu egin ziotela. Eta lapurra bere auzokidearen seme gaztea zela.

Erreparatu egin zion gaztearen ibilerari: lapurren ibilera ber bera. Erreparatu egin zion gaztearen begiradari: lapurren begirada ber bera. Erreparatu egin zion gaztearen hitz egiteko moduari: lapurren hitz egiteko modu ber bera. Erreparatu egin zion gaztearen gainerako kontu eta gauza guztiei: lapur jendilajeak izan ohi dituen kontu eta gauza ber berak. Gizonak ez zuen zalantza izpirik: gaztea zen lapurra.

Baina, egun batean, aizkora aurkitu zuen basoan. Gizona joan ohi zen basoan. Basotik etxeratzean, gaztea ikusi zuen. Eta orduan gaztearen ibilera, begirada, hitz egiteko modua, eta gainerako kontu eta gauza guztiak ez zitzaizkion iruditu lapur jendilaje horrek izan ohi dituenak, ezta hurrik emanda ere.

 PILULA GUZTIAK IKUSTEKO klikatu hemen